新使者雜誌
簡介
雜誌閱讀
出版叢書
購買訂閱
廣告刊登
相關網站
聯絡我們

推文:Facebook plurk twitter
新使者雜誌 > 第122期 讀聖經 心眼光
字級調整:

母語葡萄園
228大屠殺現場e 六歲囝仔
當時我才六歲, 老母緊緊k?我chang leh, 腳才踏入去門內nia,阮就聽tioh機關槍e槍子,飛過阮e頭殼頂。
關鍵字:二二八 
作者/ 吳照雄 (旅美退休教授)

※台灣歷史ê烏暗日

台灣歷史中尚黑暗ê日 ,就是1947年2月28日 。T?60外年前hit 工,因為中國政府ê腐敗,搶奪百姓ê財產,kap 藐視台灣人,古意ê台灣人忍受b?e tiâu,起來反抗。蔣介石因此派陸軍第21師來台灣beh鎮壓暴動kap大事清鄉。 中國兵t?基隆港chi?n陸了後,就開始用機關槍掃射thâi 人。 對基隆開始向台北進行,一路掃射,用槍尾刀t?,用槍phah,koh搶koh奪,獸性大發作,進行清鄉大屠殺。 按基隆,經過台北,桃園,新竹,台灣中南部,koh kap 高雄大屠夫彭孟緝ê軍隊聯合,掃kàu台灣尾。這是人類歷史中,清鄉大屠殺尚惡毒ê。 照估計台灣人有四萬人h??中國兵thâi死。 當時真ch?e 社會賢達ê人士攏h?ng li?去槍殺,台灣知識份子ê精英一瞬間攏受消滅。

按hit陣開始黑暗就降臨t?台灣,台灣人受獨裁者蔣介石恐怖政治管理足足有四十年久。警備總部控制台灣人ê生死。 台灣人t?伊ê本土變成二等公民。 任何有關 “台灣” ê 事物攏受壓制。 算未了ê囝á學生因為t?學校講母語台灣話就受罰,我m?是按呢受罰過。

上諷刺ê是,蔣介石ê國民黨管理台灣根本是無合法--ê。 舊金山和約 – 這是49 ê同盟國(包括美國在內) kap日本t?1951年9月8日簽約ê – 根本tióh bô將管理權交h??中國。 條約ê第2條b款按呢寫,“日本國放棄台灣及澎湖列島ê 一切權利,權原,及請求權。” 劃一ê 句點,這句就按呢結束。這ê條款bô寫講台灣ê主權要交h?? siá-míh國家。 中華人民共和國kap中華民國攏bô受付交託。 根據聯合國憲章內底ê人民自決權ê宣言,台灣ê主權只有台灣人民自己決定ê權利。

※大屠殺中一ê六歲囝仔生還者ê見證

這是t?台北市3月14日ê時。 當時我才六歲,teh 讀幼稚園。 我ê老母kap我去台北ê艋舺hiàn 一領棉被t?g來。T?t?g去厝ê路中,看到一陣人圍t?北門口。 阮猶t?外圍ê時,tú tióh一位媽媽ê老朋友,伊tòa t?附近ê所在。 我阿母就問伊,hit陣人teh 看sián貨,伊講t?hia中國兵á teh 槍殺人喔!Lín mài去hia khah 好喔!我老母才teh 想講,tan,beh按怎t?g去厝khah好ê時,忽然間hit大陣人逐家青狂走四散,有ê chông,有ê跋。 阮hit時才知影,tòe t?hit陣人後壁是十台大卡車,頂面安tióh機關槍,中國兵á沿路teh 向群眾掃射!我老母緊緊k?我chang leh,兩ê t?piàn入去朋友ê厝,腳才踏入去門內niâ,阮就聽tióh機關槍ê槍子,飛過阮ê頭殼頂,彈tióh厝hi?咑-咑-咑ê聲。

阮bih t?厝內大約有15分鐘久。聽起來外面若親像已經平靜?,我阿母就想beh khah緊來t?g。 伊想講tan 經過北門bô安全,阮就pha一大lìn,s?過淡水河水門hit旁t?g去。 阮kiân chi?n街路才看tióh尚淒慘ê景致。 逐四界攏是身屍,遍路攏是血。 我看tióh一ê青年人,穿se-bi-loh koh 結ne-ku-tái,倒t?路邊,血猶koh 按頷kún the bok-bok bùn,歸條ne-ku-tái攏bak tióh血。T?我出社會了後,我攏bô sián 愛結ne-ku-tái,因為見擺teh 結ê時,我就會想tióh hit ê少年家á,頷kún血水猶koh teh bok-bok bùn。  當1989年6月初4日我看到電視新聞報導中國兵t?北京天安門teh 大屠殺ê時,hit幕恐怖ê情景koh再出現t?我ê目睭前,若親像koh做一擺恐怖ê惡夢。

※永遠懷念228大屠殺ê無辜受難者

每一擺我回憶tióh 228 大屠殺,我lú感覺我ê老母事實上生我兩擺,一擺t?我出世,第二擺t?我六歲ê時。 我lú想tióh這項代誌,我lú感覺愛好好á有意義來活這第二擺ê機會,借來ê生命。

我所目擊ê大屠殺現場是t?chit-má叫做 “中華路” hit條路。 我希望chit條路mài改名,thang好記tiâu中國兵ê殘忍bô人性。Hit當時,美國ê領事館離現場bô l?a 遠,美國副領事George Kerr有親目看到,伊了後出版一本冊,叫做 Formosa Betrayed(被出賣ê福爾摩沙) 。這本冊實在有tah tióh每一ê台灣人ê心肝頭。 伊t?踏話頭按呢寫: “送h??我ê福爾摩沙朋友…紀念1947年ê三月事件” 。

最後,t?咱teh 紀念228大屠殺ê受難者,我愛用天主教教皇若望保祿二世t?日本廣島ê和平紀念博物館ê來賓紀念冊所寫--ê 來做紀念:

「永遠無 koh 再發生!」

同作者相關文章:
228大屠殺現場e 六歲囝仔 (第 122 期)

原文來自 http://newmsgr.pct.org.tw/magazine.aspx新使者雜誌 第 122 期 讀聖經 心眼光 (65-66頁)
新使者雜誌 The New Messenger  122期  2011年  2月 讀聖經 心眼光 122
本期主題:讀聖經 心眼光
發行日期:2011/2/10
讀聖經 心眼光
新使者122期 目錄
「唯獨聖經」的信仰傳統,落實了嗎?
從神研班到新眼光讀經
淺介《新眼光讀經手冊》
寫出「新」眼光
新眼光讀經運動的回顧與前瞻
請跟我一起讀聖經——盧俊義牧師的牧會異象
軍事獨裁下的農民讀經運動
基督徒為何要研讀聖經?
從教導到牧養 ─ 記查經班十年
「我用什麼回應?」─查經班的恩典
因為「愛」——戴仁壽醫師與台灣癩病救濟協會
記者這一行——我的記者生活筆記
回首來時路:轉型正義是威權遺產或民主資產?
轉型正義工程的一塊磚
靈魂的交會
228大屠殺現場e 六歲囝仔
讀經筆記3 “n?-s?” 漢字有兩種寫法
實行「愛的真諦」
除了可憐之外
每個人 ‧ 價值觀
我和「大學體驗體營」有約