新使者雜誌
簡介
雜誌閱讀
出版叢書
購買訂閱
廣告刊登
相關網站
聯絡我們

推文:Facebook plurk twitter
新使者雜誌 > 第178期 想像「民主」
字級調整:

母語葡萄園
龍潭个陂塘
逐口陂塘摎水壩都有相連,通通透透、高高低低,將水引到需要个所在。
關鍵字:龍潭  客語 
作者/Vòng Hîn-lièn黃馨蓮 (龍潭長老教會牧師)
本文母語影音入口,請點入
 
第一擺來到龍潭,感到真生趣,這位仰會安到「龍潭」?去尋資料,發現龍潭个名,係因為有「大陂塘」。
 
以前,這陂塘有野菱,陂塘个名安到「菱潭陂」。陂塘个南片有水泉,泉水窟有一垤白石,白石漏出來个時節,定著會落雨。沒水个時,潭水還做的保持一定个水量,假使恁久沒落雨,在大陂塘祈求落雨,定會落雨,鄉民認為當靈,喊佢作「靈潭陂」。
 
乜人意有想像力,認為陂塘肚有一尾黃色个大龍;有一年做天旱,歸莊仔人愁勞博激,求神託佛,乜無落半點雨。這時,有人講起:「深潭裡肚有一尾大龍,愛連食三日齋,用盡虔誠个心來祈求。」大家遽遽來食齋求雨,三日過後,黃龍對潭底飛起來,帶來大雨,強強愛荒忒个田地又做得蒔秧仔了,後來,這只大陂塘就安到「龍潭陂」。
 
逐擺坐飛行機,對天頂看下來,會看到桃園當多陂塘,敢怕有歸千只。陂塘係桃園个特色,有人講桃園係「千塘鄉鎮」,整個桃園地上,親像天頂个星仔,又像地泥面上个棋盤。陂塘對桃園農業个發展有當大个幫助,在沒有水庫以前,陂塘係農家人灌溉重要个來源。
 
兩百年前,客家个祖先來到這地方,大部分係土山,像就近个乳姑山,佇這位種植茶 果樹,通過挖陂塘,變做灌溉農作物个水源,將珍貴个水留下來。逐口陂塘摎水壩都有相連,通通透透、高高低低,將水引到需要个所在。
 
另外,龍潭个土,大部分係紅土黃土,黃土較硬,水較毋會吸落去,故所做得挖陂塘,正不會煩惱漏水个問題,有利於蓄水蔭水。
 
當認識陂塘,就輒輒會去陂塘脣行路个時,就會讚美上帝賞賜客家人有智慧,做得在這土地做有智慧个事,祝福這塊土地。
同作者相關文章:

原文來自 http://newmsgr.pct.org.tw/magazine.aspx新使者雜誌 第 178 期 想像「民主」 (64-64頁)
新使者雜誌 The New Messenger  178期  2021年  6月 想像「民主」 178
本期主題:想像「民主」
發行日期:2021/6/10
民主圖像
從民主想像看神主憧憬
基督教家庭裡的民主就是一起吃飯
吹響吧!教會民主!——一位PCT青年的田野筆記
PCT教會體制不是民主,是什麼?
數位身分證的隱私權問題
文化、民主與危機
想像「民主」
Fight For Democracy
種子之家
基督徒身上有裝電池嗎?
安靜美善的力量——懷念張德香牧師
中會、總會開什麼?可以直播嗎?
緬甸政治情勢及宣教應對策略
淺談酷兒與酷兒神學
問候(Masial aupa)
牧師kap兄姊趣味的對話
龍潭个陂塘
盧雲《愛勝過恐懼》
另一種鄉愁
偏離!?
屬天的安息
台南大專宿舍部查經
如今我是否已經成為別人的祝福?
愛鄰舍如同自己