讀經版本：Ruby版《聖經ê愛情、智慧文學　雅歌、箴言》，2014，台北：全民台語聖經協會

進　　度：雅歌第八章、箴言第二章、第三章

雅歌第八章第7節  Koh khah chēē水mābētang消滅愛情；《巴克禮》：Chōe-chōe水bōe能滅愛情。《和合本》：愛情，眾水不能息滅，《現代中文》：水不能息滅愛情，《日文聖書》：大水も愛を消すことはできない。（大水mā無法度kā愛情息滅。“BBE”: Much water may not put out love,（偌濟水mā無法度息滅愛情）佇chia咱知影愛情會使「滅」、「息滅」，但是m̄是用「消滅」的，若是kā愛情看作那像「火」，按呢，chit句是m̄是會使譯作：Koh khah chēê水mābētàng hō͘愛情hoa去。

雅歌第八章第8節: 阮有一個細漢小妹，她iáu未長成，《巴克禮》：阮有一個細漢小妹，iáu未長成，《和合本》：我們有一小妹；她的兩乳尚未長成，《現代中文》：我家有一小妹，她的雙乳尚未豐滿。《日文聖書》：わたしたちの妹は幼くて、乳房はまだない。（阮小妹猶細漢，猶未有ne-ne。）“BBE”: We have a young sister, and she has no breasts;（阮有一個小妹，猶無ne-ne。）除了《巴克禮》kah《全民》以外，攏是講「雙乳猶未豐滿」。咱若是無beh講ne-ne，用現代台語是m̄是會使譯作：阮有一個細漢小妹，猶未轉大人。

箴言第二章第5節前半節: án-ne你就會明白敬畏上主ê tāi-chì，《巴克禮》：你就明白敬畏耶和華ê事，《和合本》：你就明白敬畏耶和華，《現代中文》：這樣，你就會領悟甚麼是敬畏上主，《日文聖書》：あなたは主を畏れることを悟り。（你tio̍h知影敬畏主的事，）“BBE”: Then the fear of the Lord will be clear to you,（按呢你tio̍h會明白敬畏主，）是m̄是會使譯作：按呢你就明白tio̍h敬畏上主。第5節後半節　koh會chhōe-tio̍h bat上主（網路頂面改作「上帝」，仝一節經文用兩種稱呼，小可奇怪）ê方法。《巴克禮》：chhētio̍h bat上帝ê理。《和合本》：得以認識　神。《現代中文》：明白甚麼是認識上帝。《日文聖書》：神を知ることに到達するであろう。（達到認bat神）“BBE”: and knowledge of God will be yours.（你會tàng有智慧認bat神。）阮認為會使譯作：koh會曉認bat上主。

箴言第三章第9節: Tio̍h用你ê財物，kah你所有起頭熟ê農產物獻hō͘上主。《巴克禮》：kap你一切起頭熟ê土產，尊敬耶和華。《和合本》：你要以財物和一切初熟的土產尊榮耶和華。無論是「起頭熟」抑是「初熟的」，咱台語有現成、足台灣味的字句「頭水的」thang用，敢m̄是誠súi？

箴言第三章第23節後半句：你ê腳mābē踢tio̍h物件跋倒。《巴克禮》譯了khah好：你ê腳亦無tio̍h-tak。咱知tio̍h-tak有時有可能跋倒，但是往往是險險跋倒。

箴言第三章第25節後半句：tú tio̍h pháiⁿ人beh kā你敗壞，你mām̄免驚。讀了koh讀mām̄知意思。《巴克禮》：pháiⁿ人所tú-tio̍h ê敗壞，你也m̄免驚。《和合本》：惡人遭毀滅，也不要恐懼。《現代中文》：像風暴臨到作惡的人那樣。“BBE”: or of the storm which will come on evil-doers:（那像風暴臨到作pháiⁿ的人。）阮認為chit句改作：「歹人拄tio̍h毀滅的風暴，你mām̄免驚。」會khah清楚。