|
新使者雜誌 >
第113期 聖神佇咱中間 |
|
|
|
|
 母語葡萄園 |
| 恩典e主 |
| 雖然我會tu著艱苦、試煉、挑戰，甚至會痛苦，對上帝埋怨，失去信心，總--是伊並無棄sak--我，顛倒h??我na成長，活出豐盛e性命。
|
|
|
|
關鍵字： |
|
作者/蔡瑋琳
(中山醫學大學台文系學生)
|
|
|
|
|
我想起家己有真濟代誌，攏是上帝leh引chh?a，才有法度平安活佇這個世間。我欲kap恁分享佇大學時期「上帝e恩典真正夠我用」。
佇大學得著成長
細漢e時，我佇快樂e基督徒家庭成長，逐禮拜攏愛去教會參加主日學、禮拜教會e生活成作我真慣勢e行動。到佇大學e時，聽父母e話來台中chh?e教會、chh?e團契，我e生活重心除了學校就是教會、團契。佇大學這個時期，我漸漸發現家己以前真少有想法，信仰嘛無khi?在，到佇大學，因為接觸e環境h??我受造就，我心中定定有足濟e疑問，h??我有真濟思考e機會，h??我成長，h??我想koh khah濟上帝佇我身上e恩典。
講有奇妙，真正是有影真奇妙。上帝h??我成長佇教會家庭，對生活中內化我e思想，雖罔現在無真大e挑戰kap試煉，抑m?- koh上帝h??我平安，賜恩典h??我，就是我e見證。
佇團契生活中，我得著真濟寶貴e物件，上帝佇我身上動工，h??我改變真濟，h??我chit-ma會當有時仔佇主日學彈鋼琴、教主日學等，減采koh有真濟愛學習e所在，m?-koh回想過去ta?-a來台中e時，啥物攏b?曉，鋼琴干若會曉彈單音，koh定定彈m?-tio?h音--去，經過練習，有進步真濟--a!因為細漢學過一點仔琴，就家己hoah講無愛學--a,上帝透過我大學時代e服侍，koh一擺h??我彈鋼琴e才能，chh?e倒轉對音樂e興趣，磨練我e琴藝，h??我服侍上帝。
參加教育營活動
Koh來，上帝h??我佇大學第一個寒假，就去參加教育營，佇原住民部落去輔導in e功課，教小朋友，傳福音e種子。佇hia蹛一禮拜久，kap大家無仝學校e大學生做夥了後，h??我深深體會，是我去學習著團體之間互相服侍e仝心，koh體會上帝創造美好e大自然，kap原住民囡仔純真e笑容kap心思。這也h??我想著馬太福音18章3節講：「恁若無oat轉來成做親像細漢囝--e，決斷b?e入天國。」（謙卑親像細囝）
佇上帝e引chh?a，我到ta?逐擺攏有去教育營，嘛逐擺h??我真濟挑戰家己e代誌。對真濟b?曉e事工，h??我佇當中累積經驗，裝備家己，減采有時陣人會軟弱，想欲逃避，koh na做na無氣力，m?知欲按怎e時，我定定攏會想著一句話：「上帝b?e h??咱超過咱所會當承受--e。」這句話h??我真大e信心，雖然我會tu著艱苦、試煉、挑戰，甚至會痛苦，對上帝埋怨，失去信心，定定我若想起這句話，我就會有勇氣，擔起這個重擔，繼續努力phah拚。上帝伊奇妙e聖手保護--我，伊用話k?我講，伊並無棄sak--我，是欲h??我na成長，活出豐盛e性命，h??我佇大學生活有真濟回憶。
上帝會成就一切
上帝e恩典真正是夠我用，佇學校生活、課業、教會服侍（夏令營、主日學）、大專中心e活動頂koan，有新鮮營、教育營、音樂營、神研班等，上帝攏會差派天使佇我e身軀邊幫贊--我，h??我順利度過難關，透過同工互相e關心kap鬥相k?ng，是我佇患難中即時e幫贊。
雖然大學生活猶b?過了，m?-koh時間也過了真緊，佇台中也三、四冬--a!我經歷真濟代誌，猶koh有真濟目標想欲去完成（教檢、讀《聖經》），雖罔我佇課業上猶b?有足大e成就，m?-koh佇以弗所書3章20節講：「上帝會照運行佇咱心內e大力，充充足足e成就一切，超過咱所求所想--e。」上帝h??咱有自由意識會當選擇人生e道路，m?-koh也求主保守我e心思意念，遵趁上帝e旨意，贏過一切e試煉。佇我人生e道路，我期待家己m?是靠我e能力去解決問題，乃是靠主賞賜e恩典、恩賜kap心思意念來成就一切。
|
|
|
|
|
|
|
| 同作者相關文章： |
|
|
|
．恩典e主 (第 113 期)
|
|
|
|
|
|