新使者雜誌
簡介
雜誌閱讀
出版叢書
購買訂閱
廣告刊登
相關網站
聯絡我們

推文:Facebook plurk twitter
新使者雜誌 > 第161期 人權今昔
字級調整:

成長部落格
咱若欲做朋友,頭先愛先互相了解
我希望台灣逐種宗教攏會當互相疼惜,互相欣賞,互相做好朋友。
關鍵字:
作者/吳純瑜 (上班族,兼職歌仔戲演員)
 
歌仔戲 kap 信仰 kám有衝突
 
Tiāⁿ-tiāⁿ 有教會 ê 朋友問我:「你演歌仔戲 kap 信仰 kám有衝突?」
 
這一句話hō͘我想著細漢佇教會受著ê教育。
 
我細漢ê時陣,hit-sî 流行講道ê內容是「除去厝內ê偶像,信主會得著自由,無受魔鬼ê捆縛」彼時陣阮兜 tòa 佇 chng-kha , 時常聽著有趕鬼 ê 故事,我相信這種過程是真實 hō͘ 人得著 tháu 放,所以教會有ê序大人加減攏叫人講 mài 去廟會 tàu 熱鬧,但是我感覺廟會真趣味攏想欲去,阮媽媽攏講好,因為伊感覺彼是文化活動,應該去了解。
 
當我高中開始去學歌仔戲準備要考大學(表演科系),hit 時陣心內真無平安,因為自細漢教會教示阮:「廟是一個邪靈充滿 ê 所在」,但是因為學戲 ê 關係,我必須去廟參與演出。
其實佇我 ê 生活當中,並無 tú 到甚麼鬼怪,顛倒被教示出來「相信廟裡有邪靈」的思想,heh-kiaⁿ chit-tang,我心內 kiaⁿ 講有鬼來找我」。後來我去讀大學了後,毋知為甚麼就無驚,因為根本甚麼代誌攏嘛無發生!
 
我演戲十幾冬,去過的廟應該比教會 khah-chē,扮歌仔戲對我來講是文化表演,m̄-si 要去信甚麼神,因為歌仔戲伊 m̄-nā 扮予神看,mā-si 扮予人看,我ê目標是扮予人看,實際上我 ia-bo hō͘  邪靈附身過。
 
 
基督徒怎樣看民間宗教
 
我研究所是讀傳統藝術研究所,佇上課中我感覺我是 chi̍t-ê ke-ê 台灣人,是 chi̍t-ê 外國人,心內ê衝突 kap 失落真大,因為出世佇基督教家庭,教授講台灣民間傳統宗教文化我是鴨仔聽雷,但是我 ê 同學 in 攏聽有。
 
Tùi 研究所 ê 課 kap 實習,我重新思考為甚麼基督徒 bē-ēng-e 用欣賞藝術抑是熟識文化 ê 角度去 jin-bat 民間宗教?有人對民間宗教改信基督教,iā 一定有人對基督教去信別 ê 宗教,既然人會當選擇家己 ê 宗教,為甚麼無愛好好尊重無 kāng-khóan ê 宗教。有時陣教會是用歧視 ê 態度來講解民間宗教,可能我 m̄ 是第一代信徒,無了解 hit-chióng 初代信徒 ê 過去,但是到我已經是第四代,咱是不是猶原 ai 繼承祖先 ê 經驗去看待民間信仰,ia-si ai 用我 chit-má 所體驗 ê 民間信仰重新看待 i  ; 我想要重新思考基督教 kap 民間宗教 ê 關係,因為我想欲 kap 民間信仰甚至任何宗教做好厝邊 ,每一個世代攏有咱要學習 ê 新眼光,咱既然安穩 tiàm-tī 基督信仰裡面,何必驚慌去了解台灣 ê 民間信仰。對我來講,民間信仰是我 ê 厝邊,台灣有 chin-chē 文化是對民間信仰來 ê ,台灣基督徒 mā是受著這 ê 文化影響。
 
咱的信仰告白寫 tioh:「阮信,教會是上帝百姓的團契,受召來宣揚耶穌基督的拯救,做和解的使者,是普世的,復釘根在本地,認同所有的住民,通過愛與受苦,來成做盼望的記號」,如果咱要 kap 其他 ê 信仰和解,頭先 bē-ēng-e 用看輕 ê 態度去理解民間宗教,ji-chhia「除偶像」這款改信基督教 ê 過程,是百百種改信基督教過程中 ê chit-khoan,重點是信基督教了後,對阮性命有甚麼改變,m̄ 是佇在批評別 ê 宗教信仰無好。
 
「為甚麼教會 kā 我講ê,kap 我實際上 tú-tio̍h-ê bo-kang?」這就是我久長以來 ê 疑問,歌仔戲演員其實無 hō͘ 人規定 ài 信甚麼宗教,重點是 ài kā 戲扮 hō͘ 好,但是一般 ê 基督徒攏會想講阮一定ài吃教,因為宗教 ê 關係,基督徒 koh lú chio 會佇廟埕看戲,也減少雙方熟識 ê 機會。親像chit-má也有教會 ê 福音歌仔戲,內面 ê 演員應該百分之九十九是信民間宗教,相款 in mā會當扮聖經故事,這跟我去扮廟會 ê 戲意思是 siāng 款。
 
親像馬偕扮關公
 
平常時搬戲 chìn 前大家攏 ài 聚集 ti 台前拜拜,通常我攏 khiā-tī後面無提香,家己 khiāteh 祈禱,拜 soah 大家就家己去做家己 ê 代誌。有 chit-pái記者會 tī 媽祖廟,我做順風耳,順風耳攏 ài 時常 tiàm-tī 女主角林默娘 ê 身軀邊,hit-sî 女主角必須帶領全體演員到媽祖面前祝禱,請求媽祖保庇演出順利,我做順風耳,提香拜拜 ê 鏡頭一定 ài,若是以前 ê 我一定會 m̄ 知欲如何是好,m̄-koh 佇拜拜 ê 時我真清楚,hō͘ 記者有 hip 著重要鏡頭,會當宣傳演出較重要,我 bōe 因為 chit-kái 拜拜來信媽祖,但是我若 chhut-chhê hō͘ 記者會害了了,大家就慘 ah。
 
早期傳教士來台灣傳福音 ê 歷史,大部分記載是佇 kā人治病、khi 學校、khi 孤兒院、khi 病院、khi ta̍k種幫助人 ê 機構,用實際行動活出基督 ê 精神,用性命去傳福音;親像舊年馬偕醫院有一幅馬偕扮做關公教做「融入民俗生活」 ê 玻璃壁畫,受著議論講欲拆掉,但是明明 piⁿ-á 有講解講,馬偕有一天經過台北市大龍峒附近 ê 廟,hit 時 tú teh 搬外台戲,民眾看著 hô͘-chhiu 馬偕,就 ài 伊扮關公,馬偕就真配合戴頭套, gia̍h 關刀 kap 民眾做伙歡喜做戲。聽講當時記載 chin-chē 民眾相爭要看這位藍色目睭 ê  關公。這是一個傳道士來台灣 kap 民眾做伙生活真重要 ê 歷史,為甚麼咱無愛好好 hō͘ 經過 ê 民眾甚至是會友了解這個歷史。經過神像 ê 拜拜是台灣民間信仰 ê 習慣,根本無想到神像 si-m-si 偶像 chit-e 問題,十誡內面「m̄-thang 為家己雕刻偶像」這句話是要 hō͘ 信上帝 ê 人講 ê,而且這幅玻璃壁畫本意就 m̄-si 為著要做一個偶像來朝拜 ê,不熟識基督教 ê 民眾經過拜一下(但是我相信朝拜民眾攏是心存感恩),in 根本無 tī 十誡這個規範內面,除非是基督徒去朝拜馬偕。我感覺聖經內面 ê 規範 kap 民間宗教信仰 ê 習慣,koh有真 chē 需要探討 ê 空間,佇這文化衝突中間,頭先咱是 m̄ 是有了解民間信仰行為本身 ê 意義;koh 有基督徒 kám 有分清楚聖經內面講 ê 教義是要 hō ͘基督徒用,iah 是咱也要用 siāng 款 ê 標準去要求非基督徒。
 
Ē-kì-tit 有 chit pai 去《世界宗教博物館》, 講解 ê 人員 kā 我講,「全世界 ê 國家應該只有台灣 khi-e khi-lai 這間世界宗教博物館,因為台灣這個土地對逐種宗教攏真有包容 ê 心,這個館若是開佇別 ê 真進步 ê 國家可能嘛會受著破壞」。伊講了我 hiong-hiong 想著台北火車站,禮拜日時真 chē 回教徒會聚集 tī hia,無人會將 in 趕走,這就是台灣宗教文化多元尚好 ê 表現,我希望台灣逐種宗教攏會當互相疼惜,互相欣賞,互相做好朋友。
同作者相關文章:
旅行大稻埕 (第 165 期)
咱若欲做朋友,頭先愛先互相了解 (第 161 期)

原文來自 http://newmsgr.pct.org.tw/magazine.aspx新使者雜誌 第 161 期 人權今昔 (62-64頁)
新使者雜誌 The New Messenger  161期  2017年  8月 人權今昔 161
本期主題:人權今昔
發行日期:2017/8/10
人權今昔
從〈PCT人權宣言〉到解嚴
自由─給劉曉波的安魂曲
解嚴30年看言論自由今昔
再思 〈PCT人權宣言〉:
原住民權益運動今昔:一位原住民青年的觀察
以卓越突破恐懼:香港特首選舉之後的狀況,教會何去何從
嚴謹幽默的主角
我所認識的張哥
做工的耶穌,做工的基督徒
沒有人能奪去的喜樂──談禮拜
赴日追逐留學夢
我為什麼支持環保?
愛與生命的重量
敬畏上帝的鄭澄洲長老
跨越宗教邊界的小旅行--我看〈通靈少女〉
咱若欲做朋友,頭先愛先互相了解
【讀經筆記29】新版本聖經哪會加兩句話出來?
【台灣教會史ê台文筆記4】228消失的執事:李瑞漢律師
讀經的美麗:淺談神研班與大靈班
東亞為何躁動——同婚、街友與其他
徵召「聖誕特使」-來自孩子的愛,溫暖監獄每個角落