※新《聖詩》出版 

到目前為止t?台灣教會中使用si?ng 久、si?ng 普遍ê 聖詩歌本，就是1964 年慶祝宣教百週年ê 時所出版ê 台語《聖詩》。原本預定用30 年就beh koh 出新版，雖然新ê 詩歌不斷teh 產生，但是卻一直拖到今年（2009）才正式出版新ê《聖詩》。

T?歐美ê 國家差不多二三十冬就會出新版ê 聖詩集，因為已經隔一代ah。台灣ê 台語聖經比聖詩隔koh khah 久，tùi 1933 年巴克禮牧師出版新舊約《Sèng-keng》，一直到2008 年聖經公會才再度出版台語《新約聖經》，舊約部分到今iáu teh 修訂中。雖然1973 年ê 時基督教bat kap 天主教合作翻譯過一本《紅皮聖經》，但是一出版就受沒收，無流傳t?市面。Tùi 母語聖經、詩難產ê 運命，tú-tú 見證台灣人久長?g望出頭天ê 心境。新《聖詩》ê 出版，確實是值得大大慶賀ê 一項事。 

※〈上帝ê 羊羔〉換調來唱 

新版《聖詩》328 首〈上帝ê 羊羔〉，英文：Lamb of God，拉丁語：Agnus Dei。是早期教會彌撒曲常用五大部分：Kyrie Eleison（求主憐憫）、Gloria in excelsis（榮耀歸至高上帝）、Sanctus（聖哉頌）、Credo（信經）、Agnus Dei（上帝ê 羊羔），內底最後ê 詩歌，是聖餐進行中所teh吟唱ê 詩。歌詞取ùi 約翰福音1:29「隔日，約翰看見耶穌就近伊，就講：你看，上帝ê 羊羔，就是擔當世間ê 罪ê！」 

「Agnus Dei」歌曲來自希臘禮儀，第7 世紀ê 時教皇Sergius I（687~701）將伊引入天主教禮儀中。Si?ng 早ê 時三pái 歌詞攏仝款，唱三遍是三位一體ê 象徵；到第10 世紀才將第三節的「求你憐憫阮」改作「賜阮平安」。宗教改革了後，chiah-ê 歌猶原t?新教禮拜中，翻譯做各國無仝ê 語言，配上各地方ê 調繼續teh 唱。

筆者這首是受著咱1964 年《聖詩》506 首ê 影響寫ê，當時所屬ê 教會逐回聖餐ê 時攏會唱這首詩。原調是John MerbEcke（c.1510-1585）為著英國聖公會所作ê《公禱書曲調》（The book of common prayer notes, 1550）內底ê 旋律，吟唱ê 方式親像朗誦調。筆者t?1989 年夏天參加南神舉辦ê 教會音樂研習營，t?菲律賓聖樂&聖儀學院院長F. Feliciano 指導下做了這首〈上帝ê羊羔〉。幾冬來，不斷受著國內外音樂家、牧師等ê 徵求同意使用，實在是當初想未到ê 事。 

※兩首毛利人ê聖詩 

新版《聖詩》內底有二首毛利人ê 詩歌－－326 首〈心和平上帝聖子〉kap 187 首〈佇聖經內面有三項事〉。

毛利人（M?ori)是紐西蘭ê 原住民，屬Polynesia(波里尼西亞）ê一支。Polynesia 是指南太平洋ùi 北－夏威夷、南－紐西蘭kap 東－復活島所構成ê 大三角區域，包括大溪地、薩摩亞、東加等130 幾座ê 島嶼；Polynesia 人真gâu 雕刻kap 跳舞，一般稱in 作Polynesia Triangle 文化圈。其中毛利人真出名ê 是sio tú頭ê 時，會用鼻仔tú 鼻仔ê 方式來請安。In ê 戰士舞Haka，用吐舌來表示鬥士ê 氣勢，通過紐西蘭橄欖球隊t?比賽前ê 表演出名全世界。

語言學家bat提出台灣是南島語系（Austronesian）起源ê講法，最近遺傳基因ê研究進一步證實這種講法。根據官方資料，毛利人是4千幾冬前tùi台灣sóa--出-去，in ê DNA有至少60%成分kap台灣原住民相符合。毛利人ê社會階級ùi面ê刺花(Tattoo)、身軀ê穿著thang看--出-來。In相信離開世間ê時會去kap祖先會合，祖先所賜ê氣力會引導子孫。In亦kap自然環境關係真密切，有真ch?kap 自然相關ê神話、傳說。毛利人比其他南太平洋ê 原住民khah 容易接受基督教，in ê 聖詩受著西洋聖詩ê 旋律kap和聲影響，加上海嶼、日光、沙埔、海洋、大自然ê 氣息，發展做明朗快樂koh 清閒舒緩ê 音樂。

聖詩326 首是典型ê 南太平洋島型和聲；187 首是4/Q.，附點音符做單位、一小節4 拍，弱拍開始，有滑音ê 迴聲對唱式歌謠。兩首thang khoa?-khoa?仔輕鬆來唱。