讀經版本：羅馬字版《現代台語譯本新約聖經》，2007，台北：台灣聖經公會

進　　度：全本新約聖經

馬太福音第二四章第8節  《巴克禮》﹕Chiah-êlóng是苦痛ê開始。《紅皮》：這一切不過是為tio̍h boeh產生新紀元痛苦ê開始nā-tiāⁿ。《和合本》：這都是災難（災難：原文是生產之難）的起頭。《現代中文》：這一切事情的發生正像產婦陣痛的開始一樣。咱看《現代台語》按怎譯：Chiah-êit-chhè êtāi-chìput-kòsīchhui-chun thàng-thiàⁿêkhai-sí。“chhui-chun thàng-thiàⁿ”確實是一流的台語。

使徒行傳第十二章第14節　《巴克禮》：認得彼得ê聲，因為歡喜ê緣故無開門，《紅皮》：伊認tio̍h彼得，歡喜kah無顧開門，《現代台語》譯作：I jīn-tit Pí-tek ê

siaⁿ, hoaⁿ-hí-kah bôe kò͘-tit khui-mn̂g. 咱讀tio̍h知影譯了上好。

使徒行傳第十三章第11節  《巴克禮》：伊ê目睭liâm-piⁿian-n̄g烏暗；《紅皮》：以呂馬ê目睭即時hō͘烏霧罩起來，《和合本》：他的眼睛立刻昏蒙黑暗，《現代中文》：以呂馬覺得一片黑霧遮住他的眼睛；《現代台語》按呢譯：Í-lū-má êba̍k-chiu sûi-sî hō͘o͘-àm tà-teh, khíian-n̄g. “khíian-n̄g”用了足súi。ian-n̄g漢字寫作「煙暈」，《台日大辭典》：目睭矇矇。《台英辭典》：dim or unclear（暗淡無光抑是無清）。《台語英語字典》：eyes dim so as to see quite indistinctly .（視力模糊或是眼花）。

羅馬書第一章第29節尾句kah哥林多後書第十二章第20節後壁句仝款，《巴克禮》：臭心行，《紅皮》：in成做講腳脊後話ê，“BBE”：and false statements about others;《現代中文》：他們造謠，《現代台語》譯作：kóng ka-chiah-āu-ōe,實在是簡單清楚的台語。

哥林多後書第二章第17節　《巴克禮》：因為阮無親像chōe-chōe人混雜上帝ê道理；《紅皮》：阮無親像其他hiah濟人，將上主ê道理親像俗貨擔teh賣；《現代中文》：我們不像許許多多的人，把上帝的信息當商品叫賣；《現代台語》譯作：Goán bô chhin chhiūⁿchin chōe lâng chiong Siōng-tè ê ōe chòe sio̍k-hèphah-bōe.譯了誠好。

哥林多後書第六章第8節後半句　《巴克禮》：親像騙人ê，其實是誠實ê；《紅皮》：阮hō͘人款待做迷惑人ê，m̄-kú阮講真理；《現代中文》：人家說我們是騙子，其實我們說的是誠實話；《現代台語》譯作：Goán hō͘lâng khòaⁿ-chòe pián-sian, kî-sit góan kóng sit-ōe. 阮認為譯了誠好。

希伯來書第四章第16節　《巴克禮》：也得tio̍h恩典，做及時ê幫贊。《紅皮》：

咱有需要ê時，會得tio̍h慈悲kap恩惠來幫助咱。《和合本》：為要得憐恤，蒙恩惠，作隨時的幫助。“BBE”: and we may get grace for our help in time of need. 《現代台語》：thang niá-siūI êlîn-bín kap un-tián, chòe lán su-iàu êsî êpang-chān. 《巴克禮》譯作「及時」雖然誠好，總是那像m̄是現代台灣白話。

彼得前書第五章第14節　《巴克禮》：Lín tio̍h用仁愛ê相chim來相請安。《紅皮》：

Lín tio̍h用基督徒ê愛心互相握手。《和合本》：你們要用愛心彼此親嘴問安。《現代中文》：你們要用愛心彼此親吻問安。《現代台語》譯作：Tio̍h ēng thiàⁿêsaⁿ-chim hō͘-siōng chhéng-an.　譯了上簡單上清楚上正確。

※寫佇後壁

羅馬字版《現代台語譯本新約聖經》出版了，阮台北市大直教會成人主日學tio̍h決定，每禮拜日十一點台語禮拜了，開始一點鐘的研讀，每遍一章。先逐個作夥讀一遍，才一個一個讀一節，了後每人提問題出來討論。幾個月後，阮想講若是kā每遍的討論寫作筆記，拜託《新使者》雜誌刊登，是m̄是有可能會引起khah濟人對白話字新譯聖經的關心kah討論，可能mā會tàng加減hō͘編譯改寫chit本聖經的前輩作參考，tī再版的時會tàng作必要的修正。

阮是一群熱心白話字聖經的平信徒，無人有受過神學教育、mā無人bat希臘文抑是希伯來文，阮讀經的時，看tio̍h tó位小可怪怪抑是讀了無真順，就kā記起來、討論、整理，而後發表。已經發表出來chit二十篇筆記那像問題了了。事實上，阮佇研讀的時陣mā定定讀tio̍h足súi的字句，會大聲喝「讚！」阮整理其中小部分幾條kah逐個分享，算是作一個階段性的結束。

原本寫「讀經筆記」的方式，是先寫出《現代台語》的經文，而後才列出各種版本的文字來作比較。Chit遍的寫法拄拄顚倒反，寫先出各種版本的文字，最後才寫出《現代台語》的譯文，來突顯伊的精彩、伊的súi。

看看一下，阮研讀中間所發現足súi足讚的文句，無寫出來的猶koh真濟，當然是比寫出來的猶koh khah濟。阮beh佇chia向所有辛苦討論編譯改寫chit本《現代台語譯本新約聖經》的前輩牧師學者教授說謝，講一聲：恁做了真súi的工，恁實在真辛苦。阮佇chia向恁深深行一個禮！ 

順續預告，後期起阮的《讀經筆記》是讀2014年「全民台語聖經協會」所出版的《聖經ê愛情、智慧文學　雅歌、箴言》。