新使者雜誌
簡介
雜誌閱讀
出版叢書
購買訂閱
廣告刊登
相關網站
聯絡我們

推文:Facebook plurk twitter
新使者雜誌 > 第185期 離鄉背井信仰路
字級調整:

母語葡萄園
回想佇臺中ê彼幾年
彼款佇疼 ê 內面自由行踏、體驗上帝,是偌爾仔予人懷念!
關鍵字:出外人  大學生活  大專團契 
作者/陳致綸 (台北南門教會青年,師大台文所碩士生)

做出外人ê大學生活

到今,猶會記得頭擺踏入徛佇大肚山腰ê校園時,彼款對新環境kap未來生活的期待kap歡喜;踮校園行踏散步,享受四圍大學氣氛,猶是感覺欲開始佇臺中、佇這ê會當看著廣闊台灣海峽ê所在生活,若像咧眠夢。
 
受地方教會kap大專團契陪伴

因為父母攏無讀大學,所以對我干焦要求一項事:毋通離開教會,愛會記得去做禮拜。就因為按呢,揣著離學校上近ê沙鹿教會,閣捒我去參加大專團契。在我攏是真生份ê經驗,這毋只是我頭擺成做「出外人」,閣是孤身踮佇這過去毋捌深刻熟似過ê城市,去認捌、去探索遮的人,去品嘗這ê城市ê氣味,其實心內不免淡薄仔緊張。我已經袂記得踮臺中ê頭一暝是按怎睏落眠ê,總是我干焦會記得,我不斷咧對家己講:「對這馬開始,就真正愛對所行、所做完全負責矣,無人會閣替我設法,替我『拭尻川』」囉!」
 
總是這款緊張並無維持蓋久,因為生活當中予我操煩ê大、細項代誌,佇沙鹿教會青少年團契,抑是大專長青,攏通揣著分享、改敨壓力ê管道,也佇同工服事ê過程中,彼此結連、交陪相通;閣因為靜宜弘光長青ê關係,也得著東榮教會濟濟關心。通講,教會kap團契ê生活,大大消除對新環境ê不安,予我通徛在面對所欲來的新挑戰。了後,對臺中那熟似,就漸漸對參與者,轉換做籌備者,對我來講閣較是無仝款ê挑戰。檢采佇高中時就經歷過活動籌備ê辛苦kap壓力,毋過佇大專階段所愛考慮的各種因素,是超過進前所經驗--ê;總是因為按呢,我通認捌無仝學校、無仝背景ê朋友kap同工,也佇當中彼此相疼。
 
懷念佇疼內面ê日子

這霎已經離開臺中兩年外矣,猶不時會想起彼幾年,我佇台中、佇海線、佇沙鹿生活、賴賴趖ê日子,彼款佇疼ê內面自由行踏、體驗上帝,是偌爾仔予人懷念!
同作者相關文章:
回想佇臺中ê彼幾年 (第 185 期)
安歇 (第 182 期)
瘟疫中的神研班 (第 181 期)
天官賜福 (第 177 期)
機車環島看台灣 (第 175 期)
2019行動靈修營: 愛中合一 (第 171 期)
大度山神研小組:55屆神研班神研日記 (第 165 期)
行動靈修營——新營會的想像 (第 162 期)

原文來自 http://newmsgr.pct.org.tw/magazine.aspx新使者雜誌 第 185 期 離鄉背井信仰路 (52-53頁)
新使者雜誌 The New Messenger  185期  2022年  8月 離鄉背井信仰路 185
本期主題:離鄉背井信仰路
發行日期:2022/8/10
You Are Welcome
異鄉歸來
台北和平教會的青年牧養事工
有我陪你一起走
帶著大肚山的印記走入堂會
離鄉背井之後,大學生的信仰之路怎麼走?
躍時空的祢:從加利利海的風暴看見無所不在的平安
躍時空的祢:從加利利海的風暴看見無所不在的平安
踏上夢想已久的倫敦遊學
箱子裡的小羊
什麼天使!攏是騙肖的
什麼天使!攏是騙肖的
利巴嫩山莊——滋養生命的園地
「傳福音」ê觀念到底是什麼?
回想佇臺中ê彼幾年
回想佇臺中ê彼幾年
分𠊎成長个大專生活
「我的教會」——談基督教會的「堂會主義」和「山頭主義」現象
數位,更新,再發展
逃跑的耶穌?
因為愛裡有奇蹟
信仰的核心價值是什麼?
愛的禮物燃起希望