新使者雜誌
簡介
雜誌閱讀
出版叢書
購買訂閱
廣告刊登
相關網站
聯絡我們

推文:Facebook plurk twitter
新使者雜誌 > 第148期 未來,一直來
字級調整:

母語葡萄園
青少年ê台灣母語異象
ǹg望發起「新ê白話字運動」,tī教會體制內營造「台灣母語」ê環境。
關鍵字:
作者/林俊育 (台語文運動者)

台灣長老教會lóng誤會:青少年bē曉台語chiah會離開長老教會去華語教會。Kám án-ne?根據我ê觀察kah了解,其實是in聽無咱教會內ê台語;因為咱教會一直teh使用廈門話ê《巴克禮白話字聖經》,致使教會內kah教會外ê台語約有10%無仝款。

青少年tī教會外kah台語族群做伙,mā有真chē使用台語ê場合;in真意愛家己ê母語,來到教會soah聽無「喪鄉/sòng-hiong」、「著磨/tio̍h-bôa」、「是誰/chī-chūi」等等ê廈門話。咱長老教會受hit本《巴克禮白話字聖經》ê影響,soah kā chiah-ê廈門話當做台語,甚至有人講he khah文雅。

咱用腳頭u想to̍h知,長老教會ê會友數約佔台灣人口1%,教會內ê語言ná有可能kā福音傳hō͘約99%人口ê非基督徒?我是第一代基督徒,tiāⁿ-tiāⁿ想beh chhōe非基督徒ê朋友來教會,因為in來了lóng講:lín教會ê台語真bē習慣;就án-ne,in lóng bē ài koh toè我來教會。

咱用台北siōng大間ê教會來做例,in 每年青年節lóng hō͘青年來主持全場禮拜。坐tī禮拜堂,我當teh歡喜chiah-ê青年人司會ê台語有夠chán;來到祈禱ê時,司會mā真自然teh祈禱:「上帝ah,咱......主ah,咱.....耶穌基督ah,咱....」。Hit時,我kah-ná陷落tī無底深坑,kui-ê人鬱卒起來。隔tńg工tú-tio̍h hit位司會ê父母,in自動kā我講,in昨hng tńg去厝to̍h責備in kiáⁿná會kā上帝拖落來祈禱。做父母ê mā真自然kā我講,in kiáⁿ聽tio̍h責備了後,隨時還嘴講:「都是你們沒教我台語!」

其實,母語ê「講kah聽」m̄是用教ê,是tī母語ê環境中自然會曉ê;「讀kah寫」chiah有需要教。咱台灣母語受tio̍h「國語政策」ê迫害,加上家庭kah教會koh無母語意識。做序大ê父母á是阿公阿媽,m̄-nā無kah序細用家己ê母語講話,顛倒去學「台灣國語」來kah kiáⁿ孫講話。教會mā一直teh失去台灣母語意識,tú親像鄭兒玉牧師所講:「台灣長老教會ê leadership領導階層,lóng hō͘「國語政策」淪陷。」

最近長老教會總會有teh推sak台灣母語,牧師資格考試tio̍h通過母語考試,koh tio̍h用信望愛台語客語輸入法寫台語講道稿。照我ê了解kah總會族群母語委員會主委tī伊ê Facebook感言,kui個總會mā是「心有餘力不足」ê款式。

其實,有真chē青少年愛家己ê母語。有人透過網路chhōe所在來學台語羅馬字,有人參加各種台語研習會來學習。我四界受邀請去教台灣母語kah信望愛台語客語輸入法ê時,看tio̍h青少年ê學員to̍h真歡喜;問in來參加ê動機,真chē講是網路有人用台語羅馬字teh寫,tio̍h認真來學chiah會通。

全民台語聖經協會已經成立,宗旨是「研究發展有主體性ê台灣母語聖經,發行出版人人讀有koh愛讀ê聖經」。協會計畫tī今年beh出版「台灣基督長老教會設教150週年記念版」ê《新約附詩篇、箴言》漢羅版kah白話字版,以及漢羅版ê新舊約全書。Chiah-ê lóng是採用台灣ê普遍腔台語,是「人人讀有koh愛讀ê聖經」。

咱有合咱家己腔口ê台語聖經,ǹg望tī總會ē-tàng發起「新ê白話字運動」,tī教會體制內營造「台灣母語」ê環境,hō͘咱ê青少年ē-tàng傳承咱信仰祖先留hō͘咱ê「白話字」寶貝資產,hō͘《全民台語聖經》成做芳芳ê祭,tī設教150週年獻hō͘上帝。

願主引chhōa帶領,hō͘咱台灣長老教會行出一條「有台灣主體性」ê傳福音ê路!

同作者相關文章:
E世代ê網路福音事工 (第 166 期)
夜ná深,星ná明 (第 164 期)
青少年ê台灣母語異象 (第 148 期)
魏廷朝ê「改朝換代」 (第 133 期)
教會內vs.教會外e白話字運動 (第 125 期)
Kap 盲朋友唱聖詩 (第 123 期)
路,總是向前延伸 (第 67 期)
安德烈.波伽利的心路歷程 (第 61 期)
好友受洗記 (第 52 期)
讓視障朋友寫出心靈的感受 (第 35 期)

原文來自 http://newmsgr.pct.org.tw/magazine.aspx新使者雜誌 第 148 期 未來,一直來 (70-71頁)
新使者雜誌 The New Messenger  148期  2015年  6月 未來,一直來 148
本期主題:未來,一直來
發行日期:2015/6/10
未來,一直來
站在宣教150周年的折點,省思與展望教會的影響力
台灣社會的鹽與光
教會社會服務的趨勢觀察
女人的家和天下──婦女角色的可能想像和展望
長老教會的青年掙扎
青年夢想的教會未來:讓教會用愛連結
強化中會:台灣基督長老教會教制的立場與理想發展
我們是誰
單純的愛­──加爾各答紀行
愛與陪伴──擁抱上帝的話
向謝緯學習
當正義顯為殘酷與不人道
有溫度的書:《無法送達的遺書》
生之他者:《在我離去之前》讀後
是神的安排
青少年ê台灣母語異象
別和聖經裝熟的讀經運動
原來你離我好近
去吧!活出佳美的腳蹤
一座寶庫